Auxiliatrix mea et Protectrix mea es

Tomás Luis de Victoria
Ave Regina Caelorum (8 v.)
___________________

Domina Laudabilissima, atque Optima,
Misericordia Fons,
Bonitatis Abyssus,
Aqua Viva,
Peccantium Patrona,
Fluctuantium Portus,
Vitis Vera,
Vas continens manna,
Cadentium Correctio,
Cunctorum Refugium,
Totiusque mundi Vita,
Immaculatissima,
Gloriosissima,
Beneficentissima mea,
Honorabilis magis quam Cherubim,
Apostolorum Exultatio,
Martyrum Praedicatio,
Sanctorum Gaudium,
Altare aureum,
Arca vera,
Rubus incombustus:
Salve, Mater Christi,
quem decet gloria et honor,
adoratio et hymnus,
nunc, et semper, et ubique.
Amen, in saecula saeculorum.

[Composite of different prayers
to the Most Holy Mother of God
by Saint Ephrem the Syrian]